Ardeyda Soomaaliyeed: Maxay dalkooda, dadkooda iyo naftoodaba u qaban karaan?

WQ. Daahir Xasan Carab

Anigoo ka qeyb qaadanaya doodda bogga (Aqoonta Soomaalida), waxaan qabaa in Ardeyda Soomaaliyeed ee wax ka barata dibadaha sida ugu sahlan ee ay dadkooda, dalkooda iyo naftooda wax ugu qaban karaan inay tahay:
1- Waxay naftooda wax ugu qanab karaan.
Inay isku kalsoonadaan.
2- Waxay dalkooda wax ugu qaban karaan.
Inay garwaaqsadaan dal waxaa dhisa, difaaca, dumiya dhallinyaro, inay noqdaan kuwii dhisi lahaa.
3. Dadkooda waxay wax ku tari karaan.
A- Ugu horreyn inay wax isku taraan,
B. Fursada la siiyay ee ah inay dibad wax ku bartaan inay ka abaal gudaan.
C. Aqoonta ay baranayaan/barteen inay la tagaan dalkooda, ayna uga faa’iideeyaan dadkooda.
Ugu dambeyntii Soomaliya halka ay maanta taal waxaa dhigay kuwa dibadaha wax ku baranaya walaalahood, dariskood, iyo Jaallayaashoodii iskuulka iyo jidka. Sidaas daraareed qof kastaahi waxaa ku waanin lahaa inta aanu ku laaban dalkii inuu gaarsiiyo dadkiisa, macaanka nabdgalyada, horumarka iyo mustaqbalka iftiimaya ee ay ku naaloonayaan ardayda wadanka uu joogaa. Ardey kasta oo Soomaaliyeed waan in uu ka masayraa kana ciishoodaa dhibaatada heysata naftiisa, dadkiisa, iyo dalkiisa. Dow maahan inay ka sii fakaraan sidii waddan kale oo shisheeye ay u sii aadi lahaayeen amaba qaxooti maciin bidaan.
Ardeyda Soomaaliyeed ee dibadaha wax ka barta, waa inay noqdaan kuwo wax weyn ka barta waddamada ay ku nool yihiin, Faa’iidooyinka ay ka bartaana waa inay uga faa’iideeyaan malaayiinta iyaga ka war dhowraya.
Ugu danbeyntii waxaa imaan doonta maalin qof kasataahi lala xisaabtamo oo waajibka ka saaran naftiisa, dadkiisa iyo dalkiisa la weydiin doonaa.
Ugu danbeyntii waxaan u mahdcelinayaa Ardeyda Somaliyeed ee isku xilqaantay sameynta Site-kan, iyo abuurida mowduucyada muhiimka ah.
Daahir Xassan Carab