Dood Furan

W.Q CABDULJABBAR CABDULKARIIM AXMED
Faculty of Pharmacy, University of Sindh
Haydarabad, Pakistan

Asalaamu calaykum
walaalayaal salaan kadib aniga oo ka faa'iidaysanaya fursadaan qaaliga ah ee uu isiiyay boggan somalistudents.net waxaan qabaa in ardayda soomaaliyeed ee dibadaha wax ku barata ay naftooda iyo tan dalkoodaba wax ugu qaban karaan.

Waa midda horee, naftooda waxay ugu qaban karaan iyaga oo ku shaqaysan kara xirfadda ay barteen, taasoo faa'iido u ah dadkooda iyo dalkoodaba.

Tan labaad aan u sii gudbo oo ah dalkooda wax ma ugu qaban karaan? Runtii aad ayay u anfici karaan waa hadday yihiin dad u hammuun qaba inay dalkooda wax ku soo biiriyaan iyaga oo kaga faa'iidaysanaya cilmiga ay soo barteen iyo technologyada casriga ah, taasoo indhaha u furi karta malaayiinta Soomaalida ah ee u ooman waxbarsho casri ah.

Su'aasha sadexaad dadkooda wax ma ku soo kordhin karaan?

Jawaabtu waa haa sidaan la socono dadkeenu wuxuu u baahan yahay dad leh aqoon ha ahaato science, Arts, iyo barashada diinta islaamka .

Dadkeena waxa ka reebay qayrkood waa aqoon-darro kaliya, waxaana ka saari kara dadka wax ku barta ama ku bartay dalalka dibadda maadaama ay maanta jirin hab waxbarsho oo habaysan ama casri ah dalka gudahiisa.

Ardayda wax ku barata ama ku baratay dibadda waxa ay soo min-guurin karaan dhaqamada shisheeye, ha ahaato mid wanaagsan ama mid aan faa'iido u lahayn diinta, dadka & dalkaba.

ugu danbayntii waxaan illaah ka rajaynaa inuu naga dhigo kuwii dadkooda iyo dalkooda wax ku soo kardhiya, aana iska illowno waxaan faa'iido u lahayn dadkeena iyo dalkeena.