Baroordiiq loo sameeyay ardaydii lagu xasuuqey Muqdisho

26 December 2024

Bannaanbax aad u ballaaran ayaa shalay ka dhacay Magaalada Muqdish ooo ay dhigeen ardayda Dugsiyada Gobolka Banaadir, waxayna ka cabanayeen falkii xasuuqa ahaa ee loogu geystay agagaarka Cali kamiin Ardayda Dugsiga-Sare ee Axmed-gurey.
Bannaanbaxan ayaa ardaydu waxay siteen boorar ay kaga cabanayaan falkaasi, waxaana hadallo u jeedisay madaxda dalladaha waxbarashada iyo mas'uuliyiin ka socotay Bulshada rayidka ah, iyadoo bannaanbaxani uu saameeyey inta badan Magaalada Muqdisho, inkastoo Ardaydu ay damacsanaayeen in uu bannaan-baxani noqdo mid ka dhaca dhammaan waddooyinka Magaalada Muqdisho, wuxuuna ku koobnaa waddooyinka qaarkood.
Bannaanbaxan ay dhigayaan ardaydaasi, waxaa ammaankooda sugayay ciidanka Booliska ee Gobolka Banaadir, wuxuuna ku dhammaaday si nabadgelyo ah.

Xigasho: Ayaamaha